ეროვნული უსაფრთხოების საკითხებში დონალდ ტრამპის ყოფილი მრჩეველი, ჯონ ბოლტონი, აშშ-ის პრეზიდენტის განცხადებას გამოეხმაურა, რომელშიც ტრამპმა ვოლოდიმირ ზელენსკის დიქტატორი უწოდა და არჩევნების დანიშვნისკენ მოუწოდა.

"ტრამპის განცხადება ზელენსკისა და უკრაინის შესახებ ყველაზე სამარცხვინოა, რაც აშშ-ის პრეზიდენტს ოდესმე გაუკეთებია. ჩვენ მიერ უკრაინის მხარდაჭერა არასოდეს ყოფილა ქველმოქმედება, ჩვენს ქვეყანაში ჩვენი ცხოვრების წესი ჩვენს საზღვარგარეთ სიძლიერეზეა დამოკიდებული", — წერს ჯონ ბოლტონი.

ინფორმაციისთვის, 19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის დიქტატორიც კი უწოდა და არჩევნების დანიშვნისკენ მოუწოდა.

ასევე იხილეთ: ტრამპმა ზელენსკი დიქტატორად მოიხსენია და არჩევნების დანიშვნისკენ მოუწოდა