ფინანსთა სამინისტროს საგამოძიებო სამსახურის ცნობით, საქართველოს საბაჟო საზღვარზე, საქონლის საქონლის გადაადგილებასთან დაკავშირებული წესის დარღვევის ორი ფაქტი გამოვლინდა.

გამოძიების მტკიცებით, ყაზბეგის გამშვები პუნქტის გავლით, რუსეთის მოქალაქემ საქართველოში 30 ათას ლარამდე ღირებულების ოქრო შემოიტანა, ხოლო სადახლოს გამშვები პუნქტის გავლით, სომხეთის მოქალაქემ - 52 ათას ლარზე მეტი ღირებულების ოქრო. გამოძიებამ ჯამში 771 გრამი ოქროს ნაკეთობები ამოიღო.

გამოძიება საქართველოს სისხლის სამართლის კოდექსის 214-ე მუხლის მეორე ნაწილით მიმდინარეობს, რაც სასჯელის სახით 5-დან 7 წლამდე თავისუფლების აღკვეთას ითვალისწინებს.