"პუბლიკის" ნაცემი რეპორტიორის, ალექსანდრე ქეშელაშვილის წინააღმდეგ შინაგან საქმეთა სამინისტრომ სასამართლოს მიმართა.

შსს ჟურნალისტს ადმინისტრაციულ სამართალდარღვევათა კოდექსის 166-ე და 173-ე მუხლების დარღვევას ედავება, რაც წვრილმან ხულიგნობასა და პოლიციისადმი დაუმორჩილებლობას გულისხმობს. ქეშელაშვილი არ დაეთანხმა პოლიციელთა მიერ შევსებულ დაკავების ოქმს და მაშინვე უარი განაცხადა მასზე ხელმოწერაზე.

29 ნოემბერს ალექსანდრე ქეშელაშვილი პარლამენტის მიმდებარე ტერიტორიაზე, სამსახურეობრივი მოვალეობის შესრულებისას, ნიღბიანმა სპეცრაზმელებმა დააკავეს და სასტიკად გაუსოწრდნენ. ამ და ძალადობის სხვა ფაქტებზე სპეციალურმა საგამოძიებო სამსახურმა გამოძიება დაიწყო, თუმცა ამ დრომდე არ დასჯილა ძალოვანი უწყების არცერთი წარმომადგენელი.

ალექსანდრე ქეშელაშვილს საავადმყოფოში გადაყვანის შემდეგ ცხვირზე ქირურგიული ოპერაცია დასჭირდა.