უკრაინის ფეხბურთის ფედერაციის პრეზიდენტმა, ლეგენდარულმა უკრაინელმა ფეხბურთელმა ანდრეი შევჩენკომ სპორტულ გამოცემა Tribuna-სთან ინტერვიუში კახა კალაძესთან ურთიერთობაზე ისაუბრა — მისი თქმით, კალაძესთან კონტაქტი აღარ აქვს და ის მისთვის აღარ არსებობს.

კითხვაზე თუ როგორ აფასებს შევჩენკო თბილისის მერის, კახა კალაძის საქმიანობას, უკრაინის ფეხბურთის ფედერაციის პრეზიდენტმა უპასუხა, რომ ის "მხარს უჭერს თავის პრეზიდენტს და კალაძე მისთვის აღარ არსებობს".

2024 წელს, უკრაინამ სანქციები დააწესა ბიძინა ივანიშვილისა და მისი მოკავშირეების, მათ კახა კალაძის წინააღმდეგ.

კალაძე და ანდრეი შევჩენკო საფეხბურთო კარიერის დროს წლების განმავლობაში თანაგუნდელები იყვნენ – 1998–1999 წლების სეზონში კიევის "დინამოს", 2001–2006 წლებში კი "მილანის" შემადგენლობაში.