პრეზიდენტი ტრამპი რუსეთის ლიდერს, ვლადიმერ პუტინს უკრაინაში ომის დასრულების შესახებ ტელეფონზე ესაუბრა, ამის შესახებ აშშ-ს პრეზიდენტმა The Post-ს ექსკლუზიურ ინტერვიუში განუცხადა.

კითხვაზე რამდენჯერ ესაუბრა პუტინს, ტრამპმა უპასუხა, რომ "სჯობს არ თქვას", მაგრამ ის თვლის, რომ პუტინს აღელვებს მკვლელობები ბრძოლის ველზე და სურს, რომ უკრაინაში ხალხი აღარ დაიღუპოს. მისივე თქმით ეს სამწლიანი ომი არ მოხდებოდა, ის რომ ყოფილიყო ამერიკის პრეზიდენტი.

NYP-თან ინტერვიუში ტრამპმა თქვა, რომ მას, მისი წინამორბედისგან განსხვავებით, ყოველთვის კარგი ურთიერთობა ჰქონდა პუტინთან და ამ ომის დასასრულებლად კონკრეტული გეგმა აქვს.

"ბაიდენი ჩვენი ერის სირცხვილი იყო. სრული სირცხვილი", — თქვა ტრამპმა და იმედი გამოთქვა, რომ დაასრულებს "ამ წყეულ ომს".

NYP წერს, რომ ვიცე-პრეზიდენტი ვენსი მომავალ კვირას მიუნხენის უსაფრთხოების კონფერენციაზე უკრაინის პრეზიდენტ ვლადიმირ ზელენსკის შეხვდება.

ტრამპის თქმით, მას სურს, რომ ზელენსკისთან უკრაინაში იშვიათი წიაღისეულისა და გაზის წვდომაზე უსაფრთხოების გარანტიების სანაცვლოდ 500 მილიონი დოლარის შეთანხმება დადოს.