"დღეს ბალტიის ქვეყნებს კონტინენტური ევროპის ელექტროგადამცემ ქსელთან ვაკავშირებთ, ვწყვეტთ რუსეთთან დარჩენილ ბოლო კავშირებს", — ამის შესახებ ევროკომისიის პრეზიდენტი, ურსულა ფონ დერ ლაიენი X-ზე წერს.

"დღეს ბალტიის ქვეყნებს კონტინენტური ევროპის ელექტროგადამცემ ქსელთან ვაკავშირებთ, ვწყვეტთ რუსეთთან დარჩენილ ბოლო კავშირებს. გათავისუფლება მუქარისა და შანტაჟისაგან. ეს ისტორიული დღეა", — წერს ევროკომისიის ხელმძღვანელი.

შეგახსენებთ, რომ 8 თებერვალს, ბალტიის ქვეყნები: ლიეტუვა, ლატვია და ესტონეთი იმ ელექტროგადამცემი ქსელიდან გაითიშა, რომელიც რუსეთს, ბელარუსსა და რუსეთის ექსკლავს, კალინინგრადს აკავშირებს. ამის შესახებ ინფორმაცია რუსეთის ფედერაციის ენერგეტიკის სამინისტრომ გაავრცელა.

"ბალტიის ქვეყნების ენერგეტიკული დამოკიდებულების შეწყვეტით რუსეთზე, ჩვენ აგრესორს მოვაკლებთ შესაძლებლობას ჩვენს წინააღმდეგ ელექტროენერგიის იარაღად გამოყენებისა და გავაძლიერებთ ჩვენს სისტემებს როგორც ეროვნულ, ისე რეგიონულ დონეზე", — განაცხადა ესტონეთის საგარეო საქმეთა მინისტრმა მარგუს ცაჰკნამ.