"დაუყოვნებლივ მოვითხოვ ჟურნალისტ მზია ამაღლობელის გათავისუფლებას, რომლის ჯანმრთელობის მდგომარეობა დიდ შეშფოთებას იწვევს", — ამის შესახებ X-ზე მედიის თავისუფლების საკითხებში ეუთოს წარმომადგენელი, ტერეზა რიბეირო ავრცელებს.

მისი თქმით, დემონსტრაციებზე მომუშავე ჟურნალისტების წინააღმდეგ განხორციელებული ძალადობრივი თავდასხმების ფაქტები უნდა გამოიძიონ და ჩამდენებმა პასუხი აგონ.

"დაუყოვნებლივ მოვითხოვ ჟურნალისტ მზია ამაღლობელის გათავისუფლებას, რომლის ჯანმრთელობის მდგომარეობა დიდ შეშფოთებას იწვევს. ვიმეორებ, რომ საქართველოს მთავრობამ უპირობოდ უნდა გაათავისუფლოს ყველა ჟურნალისტი, ვინც უკანონოდ იქნა დაპატიმრებული ან დაკავებული.

დემონსტრაციებზე მომუშავე ჟურნალისტების წინააღმდეგ განხორციელებული ძალადობრივი თავდასხმების ფაქტები უნდა გამოიძიონ და ჩამდენებმა პასუხი აგონ "ჟურნალისტების უსაფრთხოების შესახებ" 3/18 მინისტრთა საბჭოს გადაწყვეტილების შესაბამისად", — წერს ტერეზა რიბეირო.