"უკვე ვესაუბრეთ წევრს სახელმწიფოებს პერსონალური სანქციების წარდგენის შესაძლებლობასთან დაკავშირებით მათ წინააღმდეგ, ვინც პასუხისმგებელია ძალადობაზე, დაშინებაზე და მიმდინარე დარღვევებზე კანონების კუთხით", — ამის შესახებ საქართველოში ევროკავშირის ელჩმა, პაველ ჰერჩინსკიმ "ტვ პირველის" ეთერში განაცხადა.

ელჩი ქართველი მაღალჩინოსნებისთვის დიპლომატიური პასპორტების გაუქმებას გამოეხმაურა და თქვა, რომ მათი მიზანია არაა ქართველი ხალხის დაზიანება, არამედ მათი დასჯა, ვინც პასუხისმგებელია რეპრესიებსა და ძალადობაზე.

"აღფრთოვანებული ვარ ქართველი ხალხის გამძლეობით და ბრძოლით ევროპული მომავლისთვის და დემოკრატიული ფასეულობებისთვის. ვხედავთ მათ ყოველ ღამე რუსთაველის ქუჩაზე, როგორ ითხოვენ უკეთეს მომავალს მათი შვილებისთვის. ვდგავართ ქართველი ხალხის გვერდით და ვგმობთ დაშინებას, ასევე ძალადობას, შოკირებული ვართ ნაცემი ხალხით, მათ შორის მედიაწარმომადგენლებზე ძალადობით და ადამიანებზე ნიღბიანი პირების ძალადობით, შოკირებული ვართ 2 თვე ქუჩებში ძალადობით.

საქართველოს უკუსვლას ვხედავთ და არ შეიძლება ეს ჩვენი რეაქციის გარეშე დარჩეს. ევროკავშირმა მიიღო გადაწყვეტილება დიპლომატიური პასპორტების შეზღუდვაზე, ისინი ვინც წარმოადგენს ხელისუფლებას, მოუწევთ ვიზის შევსება, უნდათ მოგზაურობა ევროკავშირში. ჩვენი მიზანია არაა ქართველი ხალხის დაზიანება, ვინც იცვას საქართველოს მომავალს, არამედ მათი დასჯა ვინც პასუხისმგებელია რეპრესიებზე, ძალადობაზე, ამიტომაც მივიღეთ გადაწყვეტილება. ჩვენ უკვე ვესაუბრეთ წევრს სახელმწიფოებს სანქციების წარდგენის შესაძლებლობასთან დაკავშირებით, პერსონალური სანქციები მათ წინააღმდეგ, ვინც პასუხისმგებელია ძალადობაზე, დაშინებაზე და მიმდინარე დარღვევებზე კანონების კუთხით", — თქვა პაველ ჰერჩინსკიმ.

საქართველოში ევროკავშირის ელჩმა ახსენა ასევე დაკავებული ჟურნალისტი მზია ამაღლობელი, რომელიც უკვე 16 დღეა შიმშილობს. ჰერჩინსკი ამბობს, რომ შოკირებულია მზია ამაღლობელის შიმშილობით.

"გვაქვს სასამართლო სისტემის ნდობის ეროზია, შოკირებული ვარ ქალბატონი მზიას შიმშილობით, უკვე 16 დღეა წინა პატიმრობაში იმყოფება კრიმინალური ბრალდებით შუახნის ასაკის ქალი, რომელსაც ბრალს დებენ პოლიციელზე თავდასხმაში. ყველა ჩვენგანმა ვნახეთ ტელევიზორში სასტიკი ცემა, როცა ქალებს ნიღბიანები კაცები სცემდნენ და არავინ დაუკავებიათ, ამიტომ წევრ სახელმწიფოებს შორის საუბარი სანქციებზე გაგრძელდება", — თქვა ელჩმა. (ტვ პირველის თარგმანი)