აშშ-ს პრეზიდენტმა დონალდ ტრამპმა ჟურნალისტის კითხვას, რა დრო დასჭირდება უკრაინაში ომის დამთავრებას, უპასუხა, რომ ამის შესახებ ჯერ პრეზიდენტ პუტინს უნდა დაელაპარაკოს. მისი განცხადებით, რუსეთი "ნელა და დამღლელად" ომობს, თითქმის მილიონი რუსი ჯარისკაცია მოკლული და ყველასთვის უკეთესი იქნება, თუ ეს ომი დასრულდება.

"პრეზიდენტ პუტინს უნდა დაველაპარაკო, გავიგებთ. გულანთებული ვერ იქნება, კარგად არ აქვს საქმე. ის ნელა და დამღლელად ომობს, მაგრამ ადამიანებს მეტწილად ეგონათ, რომ ომი ერთ კვირაში დამთავრდებოდა და ახლა მესამე წელია. შეუძლებელია, აღფრთოვანებული იყოს, ეს მას კარგად არ წარმოაჩენს. ბოლოს და ბოლოს, ეს დიდი მანქანაა და რაღაცები მოხდება, მაგრამ ვფიქრობ, ის უკეთ იქნება, თუ ამ ომს დაამთავრებს.
ჩვენი რიცხვებით, თითქმის მილიონი რუსი ჯარისკაცია მოკლული, დაახლოებით 700 000 უკრაინელი ჯარისკაცია დაღუპული. რუსეთი უფრო დიდია, მათ მეტი ჯარისკაცის დაკარგვა შეუძლიათ, მაგრამ ქვეყანა ასეთი გზით არ იმართება.", — აცხადებს დონალდ ტრამპი.

დონალდ ტრამპის განცხადების თარგმანს გამოცემა "ტაბულა" ავრცელებს.