შინაგან საქმეთა სამინისტრო ინფორმაციით, წალკის რაიონის სოფელ არსარვანში ოჯახში ძალადობის ბრალდებით 1989 წელს დაბადებული კაცი დააკავეს.

უწყების ცნობით, ის ფიზიკურად გაუსწორდა ორსულ ცოლს, რომელიც მომხდარის შემდეგ მარნეულის ერთ-ერთ საავადმყოფოში გადაიყვანეს და ტვინის მსუბუქი შერყევა დაუდგინეს. როგორც შსს-ში ამბობენ, წარსულშიც ბრალდებულმა ცოლი რამდენჯერმე ცემა.

გამოძიება ოჯახის ერთი წევრის მიერ ოჯახის სხვა წევრის მიმართ ძალადობისა და სისტემატური შეურაცხყოფის ფაქტზე მიმდინარეობს (საქართველოს სსკ-ს 126-ე პრიმა მუხლის 1-ლი ნაწილით).