კახეთში, სოფელ ართანაში, ყვარელში, სოფელ შილდაში, მთა-თუშეთში, სოფელ ხახაბოსთან, ყაზბეგის მუნიციპალიტეტში, სოფელ ჯუთასთან ხანძრების ლოკალიზება ჯერ კიდევ ვერ ხერხდება.

როგორც საგანგებო სიტუაციების მართვის სამსახურმა On.ge-ს უთხრა, მთელი ღამი განმავლობაში ლოკაციებზე ცოცხალი ძალა მუშაობდა, ხოლო დილიდან სახანძრო-სამაშველო სამუშაოებში ავიაცია ჩაერთო.

უწყების ცნობით, ადგილზე საქართველოს ორი და ირანის ორი ვერტმფრენი მუშაობს. მათივე თქმით, ოთხივე ლოკაციაზე არის პროგრესული მდგომარეობა და ხანძრის ახალი კერები არ წარმოქმნილა.

ოთხ სხვადასხვა სოფელთან ხანძარი ორ სექტემბერს გაჩნდა. ხანძრის სალიკვიდაციო სამუშაოებში ჩართული იყო ათეულობით მეხანძრე-მაშველი და ავიაცია.