დღეს, 2 სექტემბერს, საქართველოს ოთხ სხვადასხვა სოფელთან გაჩნდა ხანძარი. შინაგან საქმეთა სამინისტროს ცნობით, კახეთში, სოფელ ართანაში, ყვარელში სოფელ შილდაში, თუშეთში სოფელ ხახობოსთან და ყაზბეგში, ჯუთას მიმდებარედ ჯერ კიდევ მიმდინარეობს ხანძრის სალიკვიდაციო სამუშაოები მიმდინარეობს.

უწყების ცნობით, თელავის მუნიციპალიტეტის სოფელ ართანაში კოხტას მთაზე რთული რელიეფის გამო, ხანძრის ეფექტური ლოკალიზების მიზნით, ცეცხლის ქრობის პროცესში ჩაერთო ვერტმფრენი. ამჟამად ცეცხლის ძირითადი კერები ლოკალიზებულია.

ხანძარი გაჩნდა, ასევე, ყვარლის მუნიციპალიტეტის სოფელ შილდას მიმდებარედ, ტყის მასივში. როგორს შსს აცხადებს, ხანძრის ქრობის პროცესში, შსს-ს მეხანძრე-მაშველებთან და ეროვნული სატყეო სააგენტოს თანამშრომლებთან ერთად, ასევე, ჩართულია ვერტმფრენი.

უწყების ინფორმაციით, მთა-თუშეთში, სოფელ ხახაბოსთან მდებარე ტყის მასივში გაჩენილი ხანძრის სალიკვიდაციო სამუშაოებს, ათეულობით მეხანძრე–მაშველი და შსს-ს ვერტმფრენი ახორციელებს. ხოლო, ყაზბეგის მუნიციპალიტეტის სოფელ ჯუთას მიმდებარედ, ალპურ ზონაში, ბალახზე გაჩენილი ხანძრის ლიკვიდაციის მიზნით, მობილიზებულია შსს-ს ათობით მეხანძრე-მაშველი, შესაბამის ხანძარსაწინააღმდეგო ტექნიკასთან ერთად.