მეხუთე დღეა დათო სიმონია აქციაზე დაკავებული მეგობრის მხარდასაჭერად ზაჰესის იზოლატორთან ზის. ზვიად რობაქიძე რესტორან „ბაბილოსთან“ გამართულ აქციაზე პოლიციამ ადმინისტრაციული წესით დააკავა.

დათო სიმონიამ მეგობრის დაკავების კადრების ნახვის შემდეგ გააკეთა ბანერი, რომელზეც წერია: „მეგობარი ციხეში, მე ციხესთან — სოლიდარობა უკანონო პატიმრებს“ და იზოლატორთან მოვიდა.

სოციალურ ქსელში დათო წერს, რომ იზოლატორთან უცნობებიც აკითხავენ და სხვადასხვა ფორმით გამოხატავენ მხარდაჭერას.

"მე-5 დილა ზაჰესის იზოლატორთან.
გამთენიისას ტაქსის მძღოლმა ყავით გამამხნევა. შვილის ამბავიც მომიყვა, აქციებზე დადის და 2000 ლარით დააჯარიმესო. ისეთი გაბრაზებული იყო, იქეთ გამიხდა დასამშვიდებელი.
დაღვრემილმა ბაბუმაც მომაკითხა. არაფერი გვეშველებაო, წუხდა. ზვიადის ამბავსა და ახალგაზრდების შემართებაზე მოვუყევი. გვეშველება მე მგონიო, ამით დაასრულა და წავიდა. ესეც ჩემი გასამხნევებელი გახდა.
ჯერ დღე ახლა დაიწყო და ჩემს ანგარიშზე 1 დამშვიდებული, 1 გამხნევებული და "მთავრობის" მოძულე 2 უცნობია. დღის ბოლოს სრულ სტატისტიკასაც მოგახსენებთ." — წერს დათო სიმონია.