მსოფლიოს წამყვანი ხელოვანები პუტინის რეჟიმის წინააღმდეგ სპეციალურ პეტიციას ადგენენ, რომლის ავტორიც ბერლინის შაუბუნეს თეატრის რეჟისორი ტომას ოსტერმეიერია.

პეტიციის ავტორები მოითხოვენ ვლადიმერ პუტინმა შეწყვიტოს რუსი ხელოვანების დევნა და გაათავისუფლოს ხელოვნება იმ წნეხისგან რომლის ქვეშაც უკვე დიდი ხანია უწევთ ცხოვრება.

განცხადების გავრცელების მიზეზი 23 მაისს, კირილ სერებრიანიკოვის ბინასა და მოსკოვის ერთ-ერთ თეატრში, რომელსაც კირილი ხელმძღვანელობს, ჩხრეკის ჩაატარება გახდა, როგორც ცნობილია მას ბრალად თაღლითობა ედება და სამართალდამცავები $3.5 მილიონის მითვისებას აბრალებენ.

მსოფლიოს წამყვან ხელოვანებს შორის, რომლებმაც პუტინს ღია ბრძოლა გამოუცხადეს ერთ-ერთი ოსკაროსანი მსახიობი ქეით ბლანშეტია, რომელმაც ვლადიმერ პუტინს მოსთხოვა თავი დაენებებინა კირლისთვის და შეეწყვიტა რუსი რეჟისორების დევნა.

ამავე პეტიციის ავტორი კი ამბობს, რომ სერებრიენკოვის დაჭერით რუსეთის ხელისუფლებამ დაამტკიცა, რომ მას კრიტიკის ეშინია.

"კირილის დაჭერით საბოლოოდ დამტკიცდა რომ მათ [რუსეთის ხელისუფლებას] კრიტიკის ეშინია და ამის გამო საკმაოდ სუსტებიც არიან. ჩვენ არ ვაპირებთ ყველაფერი ასე მარტივად დასრულდეს, გვაქვს გეგმა რომელსაც მივყვებით და აუცილებლად გავიმარჯვებთ", ამბობს ტომას ოსტერმეიერი.

შეგახსენებთ, რომ ბლანშეტის გარდა რუსი რეჟისორის დაჭერა გააკრიტიკა ლეგენდარულმა ფრანგმა მსახიობმა იზაბელ იუპერმაც, რომელმაც ფრანგული თეატრის უმაღლესი პრემია მოლიერის მიღების დროს სცენიდან ვლადიმერ პუტინი და მისი პოლიტიკა გააკრიტიკა.

"ძალიან ბედნიერი ვარ ამ ჯილდოს მიღების გამო და მიხარია, რომ ახლა საშუალება მაქვს ხმამაღლა დავუჭირო მხარი ადამიანს, რომელზეც ძალიან ვღელავ - კირილ სერებრიანიკოვს. ბატონო პუტინო, თავი დაანებეთ კირილს. გირჩევთ, რომ მის სპექტაკლს დაესწროთ", - თქვა სიტყვით გამოსვლის დროს იუპერმა.

მიუხედავად სერებრიენკოვის დაჭერის შემდეგ ატეხილი აჟიოტაჟისა, რუსეთის კულტურის მინისტრი ამბობს, რომ რეჟისორის დაჭერას არანაირი პოლიტიკური მოტივი არ ჰქონია.