სამეფო კარის თამაშები გასულ კვირას დასრულდა, შესაბამისად მსახიობებს უკვე აქვთ უფლება ნებისმიერი ფოტო თუ ვიდეო მასალა, რომელსაც მოედანზე იღებდნენ გაასაჯაროონ.

მაგალითად გუშინ ტორმუნდის როლის შემსრულებელმა კრიტსოფერ ჰივიუმ საკუთარ ინსტაგრამზე ახალი ვიდეო ატვირთა და გვაცნობა რომ ბოი ბენდს BROTHERHOOD WITHOUT BANJOS (საძმო ბანჯოს გარეშე) ახალი ჰიტი აქვს, რომელსაც Anthem over season seven end ჰქვია.

ამ არაჩვეულებრივ ბენდში კი იან გლენი (ჯორა მორმონტი), რიჩარდ დორმერი (ბერიკ დონდარიონი) და რორი მაკკანი (ქოფაკი) არიან.

სინამდვილეში რა თქმა უნდა არც საძმოს ბენდი არსებობს და არც ახალი ჰიტი შეუქმნიათ, GOT-ის მსახიობებმა გადაღებებს შორის შესვენებების დროს არც მეტი არც ნაკლები ტომ უეიტსის სიმღერა Hope I don't fall in love with you შეასრულეს, რომელსაც დაგვიანებით, მაგრამ სავარაუდოდ ჯორა მორმონტი დაენერის ტარგარიენს უძღვნის.