21 წლის ბილალ დუიშვილს, რომელიც 4 დეკემბერს საპროტესტო აქციაზე დააკავეს და სცემეს, მოსამართლე ზვიად ცეკვავამ სიტყვიერი გაფრთხილება მისცა. მას წვრილმან ხულიგნობასა და პოლიციის მოთხოვნისადმი დაუმორჩილებლობას ედავებოდნენ.

ბილალ დუიშვილი 4 დეკემბერს მაშინ დააკავეს და სცემეს, როცა პოლიციამ დემონსტრაციის დაშლა დაიწყო და ტელეფონი და საფულეც წაართვეს.

მას ცხვირი ჰქონდა მოტეხილი და მრავლობითი დაჟეჟილობით 5 დღეს კლინიკაში იმყოფებოდა. ჰქონდა ასევე ტვინის შერყევა.