22 დეკემბერს აშშ-ის არჩეულმა პრეზიდენტმა, დონალდ ტრამპმა განაცხადა, რომ ვლადიმერ პუტინთან შეხვედრა მალევე შედგება მას შემდეგ, რაც ის ადმინისტრაციას გადაიბარებს, რადგან ომი უკრაინაში რაც შეიძლება მოკლე ვადაში უნდა დასრულდეს.

ფენიქსში მომხრეებთან საუბრისას, ტრამპმა განაცხადა, რომ რუსეთ-უკრაინის ომის დასრულება "არის ის, რისი გაკეთებაც მალე სურს".

"[რუსეთ-უკრაინის ომი არის] ერთ-ერთი საკითხი, რომლის მოგვარებაც მალე მსურს — და პრეზიდენტმა პუტინმაც თქვა, რომ სურს ჩემთან შეხვედრა რაც შეიძლება მალე, შესაბამისად ამას უნდა ველოდოთ — ჩვენ უნდა დავასრულოთ ეს ომი", — განაცხადა ტრამპმა.

პუტინმა გასულ კვირას მედიასთან განაცხადა, რომ ტრამპთან საუბრისთვის მზად არის.