შეიქმნა პლატფორმა — happyeuyear.ge, სადაც ის მეწარმეები გაერთიანდნენ, რომლებმაც მერიის მიერ ორგანიზებულ საშობაო ბაზარში მონაწილეობაზე უარი თქვეს. ინფორმაცია ახალი ინიციატივის შესახებ სოციალურ ქსელში დოდი ხარხელმა გაავრცელა.

ვებგვერდი happyeuyear.ge ნათია ზავრაშვილი თანამოაზრეებთან ერთად შექმნა. "დალაგებულია კატეგორიებად და საჩუქრების შერჩევასაც მარტივად შეძლებთ. აქვე შეგიძლიათ დაამატოთ მეწარმეც", — წერს დოდი ხარხელი.

პროექტის ავტორის, ნათია ზავრაშვილი NEWS.On.ge-სთან ამბობს, რომ ასეულობით მეწარმემ ქვეყანაში მიმდინარე უწყვეტი პროტესტის მხარდასაჭერად უარი თქვა მერიის მიერ ორგანიზებულ საშობაო ბაზარში მონაწილეობასა და წლის ყველაზე მნიშვნელოვან სავაჭრო პერიოდში შემოსავლის მიღებაზე, მათ კი ისინი ონლაინ პლატფორმა Happy EU Year-ზე გააერთიანეს.

"მიგვაჩნია, რომ წელს დედაქალაქის ქუჩებში პროტესტის ხმა ყველგან უნდა ისმოდეს.

პლატფორმის დახმარებით შეგიძლიათ კატეგორიების მიხედვით მარტივად შეარჩიოთ საახალწლო საჩუქრები თქვენი საყვარელი ადამიანებისთვის და სოლიდარობა გამოუცხადოთ ამ მეწარმეების პროტესტს.

მხოლოდ ერთად დგომით შევძლებთ დავიბრუნოთ თავისუფალი, დემოკრატიული და სამართლიანი ახალი წელი!", — აცხადებს ნათია ზავრაშვილი.