ექიმი ვაჟა გაფრინდაშვილი გამოკითხვაზე დაიბარეს, რის შესახებაც ინფორმაციას მისი შვილი, ირინა გაფრინდაშვილი, ავრცელებს.

სოციალურ ქსელ ფესიბუკზე გამოქვეყნებული პოსტის მიხედვით, პროევროპულ საპროტესტო აქციებში აქტიურად ჩართულ ექიმს გამოძიებიდან დაურეკეს, თუმცა არ განუმარტავთ, რისთვის იბარებენ. ვაჟა გაფრინდაშვილმა გამომძიებელთან თანამშრომლობაზე უარი განაცხადა.

"მამაჩემს, ვაჟასაც დაურეკეს გამოძიებიდან, რისთვის იბარებენ არ განუმარტავთ.
ვაჟამ უარი განაცხადა გამომძიებელთან თანამშრომლობაზე და ელოდება მაგისტრ მოსამართლესთან სასამართლოში დაკითხვაზე დაბარებას.

რისთვის იბარებენ გამოძიებაზე არ ვიცით, ამიტომ ეს პოსტი არის ინფორმაციული.
ასეთ ქვეყანაში ვცხოვრობთ товарищи, ღამე მარტო არ უნდა დავტოვოთ, რომ მარტომ არ იმოძრაოს.

დიდი მადლობა ქართული ოცნება / Georgian Dream! საოცრად მშვიდობიან საქართველოში გვაცხოვრებთ", — ვკითხულობთ ირინა გაფრინდაშვილის პოსტში.