პოეტ ზვიად რატიანს სადარბაზოსთან თავს დაესხნენ. პუბლიკის ცნობით, რატიანს ფიზიკურად კორპუსთან 4 პირი გაუსწორდა.

"სადარბაზოდან გამოვედი, ფეხი დამიდო უკნიდან ვიღაცამ, გადამირბინეს და გაიქცნენ, ნიღბები არ ჰქონდათ, მაგრამ ერთის სახე მეცნო, მეჩვენება შეიძლება. [წაქცევის შედეგად დამიზიანდა] შარვალი და ხელის გული" — აღნიშნა მან.

ზვიად რატიანმა საპატიმრო რამდენიმე დღის წინ დატოვა. ის პოლიციამ რუსთაველის გამზირზე მიმდინარე აქციის ძალადობრივი დაშლისას დააკავა და ფიზიკურად გაუსწორდა. თბილისის საქალაქო სასამართლოს მოსამართლე ზვიად ცეკვავამ მას 8-დღიანი ადმინისტრაციული პატიმრობა 2 დეკემბერს შეუფარდა.