აშშ-ის სახელმწიფო მდივანი, ენტონი ბლინკენი განცხადებას აქვეყნებს, რომელშიც საუბარია ახალ სავიზო შეზუღდვებზე იმ პიროვნებების მიმართ, რომლებიც ძალადობრივი და უკანონო დაკავებების პრაქტიკებზე არიან პასუხისმგებელი.

განცხადებაში ვკითხულობთ, რომ სახელმწიფო დეპარტამენტი აწესებს ორ ახალ სავიზო შეზღუდვის პოლიტიკას იმ პიროვნებების პასუხისმგებლობის დაწესების წასახალისებლად, რომლებიც მსოფლიოს მასშტაბით სხვადასხვა ქვეყანაში დგანან ძალადობრივი, არასწორი დაკავებების პრაქტიკის მიღმა. ამ პოლიტიკების დამსახურებით, სახელმწიფო დეპარტამენტს შეუძლია სავიზო შეზღუდვები დაუწესოს პირებს, რომლებიც ადამიანებს არალეგიტიმურად აკავებენ და მათ ფუნდამენტურ თავისუფლებებს არღვევენ. სავიზო შეზღუდვები შეეხება დასანქცირებული პირების ოჯახის წევრებსაც.

"ადამიანი არასდროს უნდა იყოს გამოყენებული ვაჭრობისთვის ან დაექვემდებაროს უსამართლო დაკავების პრაქტიკას. ასეთი ქმედებები თავდასხმაა დაკავებულთა უფლებებზე. ამერიკის შეერთებული შტატები დგას არასამართლიანი და ძალადობრივი დაკავების მსხვერპლთა ოჯახების გვერდით. მას შემდეგ, რაც პრეზიდენტმა ბაიდენმა პოსტი დაიკავა, ჩვენ შევძელით გაგვეთავისუფლებინა 50-ზე მეტი უკანონოდ დაკავებული ამერიკელი და ჩვენს საერთაშორისო პარტნიორებთან ერთად ამ საქმის ერთგულად ვრჩებით", — ვკითხულობთ განცხადებაში.