მოქალაქე მარიამ გოგიაშვილი სოციალურ ქსელში წერს, რომ ტვ პირველის ოპერატორებზე თავდასხმისას მისი დეიდა და დედა მომხდარს იღებდნენ, რის შემდეგაც ე.წ. "ტიტუშკებმა" მათ ტელეფონი წაართვეს, სცემეს და თმით ითრიეს.

როგორც გოგიაშვილი წერს, მისი ოჯახის ორივე წევრი საავადმყოფოში არის გადაყვანილი და ამ ეტაპზე, ელოდებიან ტომოგრაფის პასუხს.

"მაკა ჩიხლაძის და მისი ოპერატორის ცემის კადრებს იღებდნენ დედაჩემი და დეიდაჩემი ტელეფონებით. რის გამოც ტიტუშკებმა ორივეს წაართვეს ტელეფონი, სცემეს მაკა ჯანაშია და თმით ითრიეს ეკა ჯანაშია. მაკა არის კლინიკაში გადაყვანილი და ველოდებით ტომოგრაფიას. რა ჰქვია იმას, რაშიც ახლა ვცხოვრობთ, ადეკვატური სიტყვებით ვეღარ შევაფასებ. ეს ცხოველები და ორგანიზატორი სისტემა აუცილებლად აგებს პასუხს", — წერს მოქალაქე Facebook-ზე.