არქიმანდრიტი ილია ჯინჯოლავას თქმით, ეკლესიაში რეპრესიები დაიწყეს, კერძოდ, მღვდლების დაბარებები, რომლებმაც საჯაროდ დაგმეს ძალადობა. ამის შესახებ იგი სოციალურ ქსელში წერს.

ამასთან, ჯინჯოლავა აღნიშნავს, რომ "რაც მეტად გაჩუმდებით, მეტად დაგამონებენ. რაც მეტი ამოიღებთ ხმას, ვერავინ შეგეხებათ".

"რეპრესიები ეკლესიაში. დაიწყეს იმ მღვდლების დაბარებები, რომელთაც საჯაროდ დაგმეს ძალადობა. აქაც მხოლოდ თავიანთ სისუსტეს ავლენენ. ანუ წარმოიდგინეთ როგორი გაუცხოვრებაა ქრისტიანობასთან, რომ გებრძვიან მაშინ, როცა ქრისტიანულს იძახი და ძალადობას არ ამართლებ. ამ დროს, ათობით ძალადობის წამქეზებელი მღვდელი (თუ ეპისკოპოსი), რომელიც წესით საეკლესის სასჯელს უნდა ექვემდებარებოდეს, ბოგინობს. ეს სისტემაც შიგნიდან უნდა დაინგრეს. რაც მეტად გაჩუმდებით, მეტად დაგამონებენ. რაც მეტი ამოიღებთ ხმას, ვერავინ შეგეხებათ. კოლეგიალურები მაინც იყავით", — წერს არქიმანდრიტი.