ამ დროისთვის უცნობია, სად და როდის აინთება დედაქალაქის მთავარი ნაძვის ხე, – ამის შესახებ თბილსერვის ჯგუფის პრეს-სამსახურმა ტაბულას განუცხადა. მათი თქმით, ნაძვის ხის ასაწყობად მოსამზადებელი სამუშაოები დეკემბრის დასაწყისში იწყება, თუმცა მიმდინარე ვითარებიდან გამომდინარე, ზუსტად არ იციან როდის და სად აანთებენ მთავარ ნაძვის ხეს.

"ნაძვის ხე შეძენილია და გვაქვს. მოხდება მისი მორთვა და განახლება, ახალი სათამაშოებისა და ახალი განათებების მონტაჟი მასზე.

ასევე, მის წინ განთავსდება სცენა, რომელზეც იქნება ღონისძიება ჩატარებული.

საახალწლო ნაძვის ხის ანთება და აწყობა დაგეგმილი გვაქვს, თუმცა, კონკრეტულად რომელ თარიღში განხორციელდება მისი ანთება, ეს უკვე მერის გადასაწყვეტია და ამ ეტაპზე, ზუსტდება კონკრეტული თარიღი — ლოკაცია პარლამენტის წინ არის, უცვლელად.

გამომდინარე იქიდან, რომ დანიშნული არ არის, როდის უნდა აინთოს, გადადებაც ავტომატურად არ გამოდის", — განუცხადა თბილსერვის ჯგუფის დირექტორმა გიორგი პაპავამ ტაბულას.