სტრასბურგის სასამართლოს გადაწყვეტილებით დადასტურდა, რომ დავით კეზერაშვილმა თავდაცვის მინისტრობის დროს გაფლანგა ქართული ჯარისთვის განკუთვნილი სახელმწიფო ბიუჯეტი, — ამის შესახებ სოციალურ ქსელში ინფორმაციას საქართველოს იუსტიციის სამინისტრო ავრცელებს. იწყება ასევე წერს, რომ ამ გადაწყვეტილების მიუხედავად, კეზერაშვილის მიმართ პოლიტიკურ დევნას ადგილი არ ჰქონია.

"სტრასბურგის სასამართლოს გადაწყვეტილებით დადასტურდა, რომ დავით კეზერაშვილმა თავდაცვის მინისტრობის დროს გაფლანგა ქართული ჯარისთვის განკუთვნილი სახელმწიფო ბიუჯეტი და მის მიმართ პოლიტიკურ დევნას ადგილი არ ჰქონია.

აღნიშნულ საკითხთან დაკავშირებით იუსტიციის სამინისტროში გაიმართება ბრიფინგი 15:00 საათზე", — ნათქვამია უწყების მიერ გავრცელებულ ინფორმაციაში.

ამავე საკითხზე, ტელეკომპანია ფორმულა წერს, რომ "სტრასბურგის სასამართლომ ფორმულას დამფუძნებლისა და თავდაცვის ყოფილი მინისტრის, დავით კეზერაშვილის წინააღმდეგ აღძრულ ე.წ. წვრთნების საქმეზე სამართლიანი სასამართლოს უფლების დარღვევა დაადგინა, კერძოდ, სასამართლოს მიუკერძოებლობის ნაწილში.

გადაწყვეტილების თანახმად, სტრასბურგის სასამართლომ დაადგინა: კონვენციის მეექვსე მუხლის პირველი პუნქტის დარღვევა ობიექტური [სასამართლოს] მიუკერძოებლობის ნაკლებობაზე", — ნათქვამია ფორმულას მიერ გავრცელებულ ინფორმაციაში.