დღეს, 25 აგვისტოს, 19 საათზე, მთავრობის კანცელარიასთან ლევან ბერიანიძისა და თორნიკე კუსიანის მხარდასაჭერი აქცია გაიმართება. აქცია თანასწორობის მოძრაობის ორგანიზებით გაიმართება.

აქციაზე მისულები ლგბტ აქტივისტების მიმართ ჰომოფობიურ ნიადაგზე ღირსების შემლახავი, არაადამიანურ და სასტიკ მოპყრობის გაპროტესტებას გეგმავენ.

25 აგვისტოს, გამთენიისას, ბათუმის ბულვარში პოლიციამ თანასწორობის მოძრაობის აღმასრულებელი დირექტორი ლევან ბერიანიძე და ორგანიზაციის წევრი თორნიკე კუსიანი დააკავა. დაკავებულები ამბობენ, რომ პოლიციელებმა სიტყვიერი და ფიზიკური შეურაცხყოფა მიაყენეს. დაკავებულების სხეულზე ფიზიკური ძალადობის კვალზე შსს აცხადებდა, რომ "დაუდგენელი პირები და დაკავებულები ერთმანეთს ფიზიკურ და სიტყვიერ შეურაცხყოფას აყენებდნენ", თუმცა ადგილზე მისულ სამართალდამცველებს ბერიანიძე და კუსიანი არ დაემორჩილნენ და პოლიციამ ისინი დააკავა.

ამ საქმეზე საქართველოს პროკურატურამ პოლიცილიების მხრიდან უფლებამოსილების შესაძლო გადამეტებაზე გამოძიება დაიწყო