ლარი დოლართან 2,68 თეთრით გაუფასურდა, ხოლო ევროსთან — 2,85 თეთრით. შესაბამისად, ერთი დოლარის ახალი ოფიციალური გაცვლითი კურსი 2.8746 ლარია, ხოლო ერთი ევროსი — 3.0252 ლარი.

აღსანიშნავია, რომ 3 დეკემბრის ვაჭრობის შედეგად, ლარი ბაზარზე არსებულ თითქმის ყველა, 42 ვალუტასთან გაუფასურდა. მცირედით გამყარდა მხოლოდ ბრაზილურ რიალთან.

კომერციულ ბანკებში 1 დოლარი 2.91 ლარი ღირს, 1 ევრო — 3.07 ლარი. 28 ნოემბრის შემდეგ, ლარი დოლართან და ევროსთან 13-13 თეთრით გაუფასურდა.

აღსანიშნავია, რომ ევროინტეგრაციის შეჩერებაზე ქართული ოცნების გადაწყვეტილების და საპროტესტო აქციების ძალადობრივი დაშლის ფონზე საქართველოსთან სტრატეგიული თანამშრომლობა შეაჩერა ამერიკის შეერთებულმა შტატებმა.