პარლამენტთან მიმდინარე აქციაზე, პოლიციამ მოქალაქეებთან შეტაკებისას წიწაკის სპრეი გამოიყენა, შედეგად TV პირველის ოპერატორი დაშავდა. "პირველების" განცხადებით, პასუხისმგებლობას შს მინისტრს აკისრებენ.

ამასთან, აღსანიშნავია, რომ პოლიციელები მოქალაქეების წინააღმდეგ ძალადობრივ მეთოდებს იყენებენ, მათ შორის, უშვებენ გაზს და წიწაკის სპრეი.

ძალადობის აღმნიშვნელი ფაქტები ტელეკომპანიების და მოქალაქეების მიერ გავრცელებულ კადრებში ჩანს. გავრცელებული კადრებიდან ასევე ვიგებთ თუ როგორ უსწორდებიან მოქალაქეს ფიზიკურად და აკავებენ მას.

შეგახსენებთ, საპროტესტო აქციები იმის შემდეგ დაიწყო, რაც საქართველოს პრემიერმინისტრმა, ირაკლი კობახიძემ, დღევანდელ ბრიფინგზე განაცხადა, რომ ქართული ოცნება ევროკავშირთან გაწევრიანების შესახებ მოლაპარაკებების გახსნის საკითხს აჩერებს.