უკვე მეხუთე დღეა ბორჯომის რაიონში, წაღვერის ტყეში ხანძარია. 20 აგვისტოდან დღემდე სახანძრო ჯგუფების მუშაობის მიუხედავად, ხანძარი ტყის ნაწილში მაინც მძვინვარებს. ამ ეტაპზე არსებული მდგომარეობა საგანგებო სიტუაციების მართვის სამსახურის პრესსამსახურმა On.ge-ს მიაწოდა.

მისივე ინფორმაციით, ცეცხლის კერების ნაწილი ლოკალიზებულია. როგორც პრესსამსახურის წარმომადგენელი აღნიშნავს, მათ სამუშაოების შესრულებაში ხელს ქარი უშლით, რაც ჩამქრალ კერებს კიდევ აღვივებს, ან ახალს აჩენს.

საგანგებო სიტუაციების მართვის სამსახურის პრესსამსახურში აღნიშნავენ, რომ დღეს დილიდან მუშაობა გააგრძელეს საქართველოსა და მეგობარი ქვეყნის ვერტმფრენებმა და თვითმფრინავმა.