ფენიქსში, მხარდამჭერებთან შეხვედრისას, აშშ-ის პრეზიდენტმა დონალ ტრამპმა განაცხადა, რომ მექსიკის საზღვართან კედელს ააშენებს. ამასთანავე, დაიმუქრა, რომ თუ ამ პროექტისთვის ბიუჯეტში თანხას არ გამოყოფენ, ბიუჯეტს ხელს არ მოაწერს, წერს BBC. ბიუჯეტს არქონის შემთხვევაში კი, აშშ-ის ფედერალური სამსახურები მუშაობას შეწყვეტენ.

პრეზიდენტმა თქვა, რომ სურს კონგრესმა "დიდი, ლამაზი" კედლის აშენებას მხარი დაუჭიროს, რათა ამით მექსიკიდან არალეგალების შემოსვლას შეუშალოს ხელი. სახელმწიფო ხარჯებისთვის თანხის გამოყოფის კანონპროექტს კი დემოკრატიულმა პარტიამაც უნდა დაუჭიროს მხარი.

თავის გამოსვლაში ტრამპმა თქვა, რომ დემოკრატები "მთელი ამერიკის უსაფრთხოებას საფრთხის ქვეშ აყენებენ", რადგან კედლის აშენებას ეწინააღმდეგებიან. მან აღნიშნა, რომ მექსიკის საზღვართან მომუშავე საიმიგრაციო სამსახურის თქმით, "სასიცოცხლოდ მნიშვნელოვანია" იმიგრანტების ნაკადის შემცირება:

"ობსტრუქციონისტ დემოკრატებს ახლა სურთ, რომ ჩვენ ეს არ გავაკეთოთ, მაგრამ დამიჯერეთ, ჩვენ მაინც ავაშენებთ კედელს, მთავრობის დათხოვნაც რომ მოგვიწიოს".