ურჩი მძღოლის დასასჯელად კომპანიამ ამწე დაიქირავა და მისი მანქანა სახურავზე შემოდო

ჩინეთის ქალაქ ბენჟიში, ერთ-ერთი პარკინგის თანამშრომლებმა გადაწყვიტეს, ურჩი მომხმარებლისთვის ჭკუა ესწავლებინათ.

საქმე ისაა, რომ ქალი, რომელიც ფოტოზე ასახულ მანქანას მართავდა, ფასიან პარკინგზე იდგა, ხოლო როდესაც გამოსვლა დააპირა და დაცვამ თანხის გადახდა სთხოვა, მან უარი განაცხადა და მცირეხნიანი ჩხუბის შემდეგ მანქანა პირდაპირ პარკინგის გამოსასვლელში დატოვა.

კომპანიის თანამშრომლებმა არც აციეს, არც აცხელეს და ურჩი მძღოლის დასასჯელად ამწე დაიქირავეს, მის მანქანას ჩააბეს და იქვე მდგარი შენობის სახურავზე შემოდეს.

რამდენიმე საათის შემდეგ ქალი პოლიციაში დაიბარეს, რის შემდეგაც ამწე კვლავ მივიდა პარკინგთან და მისი მანქანა სახურავიდან ჩამოიღო. უცნობია, გადაიხადა თუ არა ქალმა პარკინგის საფასური და ვინ დაფარა მანქანის სახურავიდან ჩამოღების ღირებულება.

ბოლო ამბები:

გირჩევთ