თუ თქვენ მოიგებთ, ჩვენც მოვიგეთ, თუ თქვენ გადარჩებით — ჩვენ, ევროკავშირი გადარჩება, სწორედ ამიტომ ვართ აქ. სოლიდარობამ უნდა გაგვაერთიანოს და არა დაგვყოს, — ამის შესახებ გერმანიის პარლამენტის (ბუნდესტაგის) საგარეო ურთიერთობათა კომიტეტის თავმჯდომარემ, მიხაილ როთმა თბილისში, საპროტესტო აქციაზე სიტყვით გამოსვლისას განაცხადა. მისი თქმით, აქციაზე შეკრებილები "ყველანი ისტორიის ერთ მხარეს ვართ და ვიბრძვით თავისუფალი ევროპისთვის რუსული იმპერიალიზმის წინააღმდეგ".

"ძალიან გვიხარია, რომ დავბრუნდით თბილისში, ევროპის ნამდვილ დედაქალში. ჩვენ ვტკბებით თქვენი სტუმარ-მასპინძლობთ, მაგრამ ვიცი, რომ ზოგ ადამიანს თქვენს ქვეყანაში, განსაკუთრებით ხელისუფლებაში და მმართველ პარტიაში, არ უხარია ჩვენი აქ ყოფნა, მაგრამ ჩვენ არ ვართ მტრები, ჩვენ ვართ მეგობრები. ჩვენ ვართ მეგობრები თავისუფალი და დემოკრატიული საქართველოსი ევროპის შუაგულიდან. აქ არის თქვენია ადგილი და თქვენ მას იმსახურებთ.

ისინი გვაკრიტიკებენ, ქვეყნის შიდა საქმეებში ჩარევისთვის. ეს ჩარევაა შეხვდე ევროპელ პრეზიდენტს, მამაც ქალბატონს? ის იბრძვის თქვენთან ერთად ქვეყნის ძლიერი და ნათელი მომავლისთვის. შიდა საქმეებში ჩარევაა თქვენთან შეხვედრა — ადამიანთან, ვინც იბრძვის ევროპული ღირებულებების, დემოკრატიისა და თავისუფალი და გამჭვირვალე არჩევნებისთვის? ჩვენ გვინდა გაგამხნეოთ, გვინდა მხარდაჭერა გამოგიცხადოთ.

თქვენ ხართ იმედგაცრუებულები, დაღლილები, მაგრამ მეგობრებო, არ დანებდეთ, ჩვენ თქვენთან ვართ, სოლიდარულები ვართ.

სრულად ვეთანხმები მმართველ პარტიას, რომელიც აკრიტიკებს გლობალურ ომის პარტიას. ასეთ გლობალური ომის პარტია არსებობს და ეს არ არის მხოლოდ საფრთხე თქვენთვის, ის არის საფრთხე ბალტიის ქვეყნებისთვის, გერმანიისთვის, საფრანგეთისთვის, იტალიისთვის ბერძნებისთვის, ესპანეთისთვის, ნორდიკული ქვეყნებისთვის. ეს გლობალური ომის პარტია არის რუსეთი, რუსული იმპერიალიზმი. ვიცით ზუსტად, რომ ჩვენი უკრაინელი მეგობრები გაიმარჯვებენ, როგორც თავისუფალი და დემოკრატიული ქვეყნები, და თქვენ იქნებით შემდეგი, მოლდოვა იქნება, შემდეგი სომხეთი იქნება შემდეგი, პოლონელი მეგობრები იქნებიან შემდეგ, ბალტიელები. ჩვენ ყველანი ისტორიის ერთ მხარეს ვართ და ვიბრძვით თავისუფალი ევროპისთვის რუსული იმპერიალიზმის წინააღმდეგ. თუ თქვენ მოიგებთ, ჩვენც მოვიგეთ, თუ თქვენ გადარჩებით — ჩვენ, ევროკავშირი გადარჩება, სწორედ ამიტომ ვართ აქ. სოლიდარობამ უნდა გაგვაერთიანოს და არა დაგვყოს“.