დღეს, 13 ივნისს, საქართველოს პირველი ლედი მაკა ჩიჩუა და პრეზიდენტი გიორგი მარგველაშვილი 2015 წლის 13 ივნისს დაღუპულთა მემორიალთან მათი ხსოვნის პატივსაცემად მივიდნენ.

"ეს ადგილი, სადაც დღეს ჩვენ ვართ, მუდმივად გაგვახსენებს იმ ძალიან მძიმე წუთებს, რომელიც შარშან ყველამ ერთად გადავიტანეთ და რომლის დასაძლევადაც გაერთიანდა ძალიან ბევრი ადამიანი", - განაცხადა გიორგი მარგველაშვილმა.

პირველი ლედის თქმით, ამ დღეს დაღუპულთა ხსოვნის პატივისცემასთან ერთად აღინიშნება მათი შრომაც, ვინც გაჭირვებაში მყოფ საკუთარ თანამემამულეებს დაეხმარა.

"ზუსტად ერთი წლის წინ, მთელი ქალაქი შეძრა ამ ტრაგედიამ. დღეს ის დღეა, როცა ვიხსენებთ იმ ადამიანებს, რომლებიც სტიქიამიმსხვერპლა და ასევე, სამაგალითოდ აღვნიშნავთ მათ შრომას, ვინც გაჭირვებაში მყოფ საკუთარ თანამემამულეებს დაეხმარა. მათარასდროს დაივიწყებს საქართველო", - განაცხადა მაკა ჩიჩუამ.

პრეზიდენტმა მადლობა გადაუხადა მათაც, ვინც შარშან ერთსულოვნად ებრძოდა სტიქიას და სტიქიის შედეგების სალიკვიდაციო სამუშაოებში მონაწილეობდა.