ჯგუფი "დაიტოვეს" ორგანიზებით, თავისუფლების მოედანზე მოქალაქეები იკრიბებიან. სხვადასხვა ასაკისა და პროფესიის მოქალაქე არჩევნების გაყალბებას რუსთაველზე გააპროტესტებს. ორგანიზატორების თქმით, დაგეგმილია მსვლელობაც.

"მთავარი სათქმელი 26 ოქტომბრიდან მოყოლებული არის ის, რომ მოგვპარეს არჩევნები და ჩვენ ეს არჩევნები უნდა დავიბრუნოთ. დაბრუნების გზა კი არის ერთიანობა როგორც სამოქალაქო საზოგადოების, ისე პოლიტიკოსების და საქართველოს ნებისმიერი მოქალაქის", — აცხადებს ჯგუფ "დაიტოვეს" დამფუძნებელი ნენსი ვოლანდი.

"დაიტოვეს" ორგანიზებულ აქციას სტუდენტებთან, სამოქალაქო სექტორთან და მოქალაქეებთან ერთად პროევროპული ოპოზიციური პარტიები, კოალიცია ცვლილებისთვის, ძლიერი საქართველო და ერთიანობა - ნაციონალური მოძრაობა უერთდებიან.