ახალი ამბები On.ge

ნათია თურნავა

8 Nov. 2024, 22:16

"წინასაარჩევნოდ, მათ შორის ხელოვნურად ატეხილი აჟიოტაჟის გზით, რა თქმა უნდა, გაუარესდა მოლოდინები. გარკვეული არაპროგნოზირებადობის განცდა გაუჩინა ბაზრის მონაწილეებს, ამიტომ გაჩნდა აჟიოტაჟური მოთხოვნა დოლარზე და ასეთ დროს, მით უფრო, როცა ეს არ მომდინარეობს ეკონომიკური მიზეზებით, ჩვენ ვალდებული ვართ, რომ ეს მღელვარება ჩავაქროთ. ჩვენ ეს გავაკეთეთ. ჩვენ რომ არ გაგვეკეთებინა ეს ინტერვენცია, მერწმუნეთ, რომ მოხდებოდა ლარის მყისიერი გაუფასურება, რაც გააღარიბებდა ჩვენს მოსახლეობას, გააღარიბებდა ბიზნესს, შეარყევდა ლარის მიმართ ესოდენ დიდი ძალისხმევით ნაგროვებ ნდობას და ამის უკან შეტრიალება გაცილებით უფრო რთული იქნებოდა.

ჩვენ, 8 ნოემბრის მონაცემებით, წლის დასაწყისიდან, გვაქვს წმინდა გაყიდვები 540 მილიონი დოლარი, მე არ გამოვრიცხავ და დარწმუნებულიც ვარ, ვინაიდან ჩაიარა აჟიოტაჟმა და ბაზარზე ზეწოლაც მოიხსნა, წლის ბოლომდე ჩვენ ამ დეფიციტს შევამცირებთ და ისევ შევძლებთ რეზერვების აღდგენას. წლის ბოლომდე სრულად, რა თქმა უნდა, ვერ აღმოვფხვრით, მაგრამ ვითარება იძლევა იმის საშუალებას, რომ ჩვენ შესყიდვები დავიწყოთ".

განაცხადა საქართველოს ეროვნული ბანკის პრეზიდენტის მოვალეობის შემსრულებელმა ნათია თურნავამ ეროვნული ბანკის მიერ სავალუტო რეზერვების ხარჯვის შესახებ კითხვაზე პასუხისას.

0 0

კომენტარები

კვირის ტოპ-5

  1. აღარ აგარევინებთ – მეუფე იაკობი პრეზიდენტს და ოპოზიციას მიმართავს
  2. ეროვნულმა ბანკმა ლარის ახალი კურსი დაადგინა
  3. ISFED: გადაწყვეტილების გამოცხადებიდან მალევე სოციალურ ქსელებში ხუჭუას მადისკრედიტებელი კამპანია დაიწყო
  4. ეროვნულმა ბანკმა ლარის ახალი კურსი დაადგინა
  5. მიხეილ ჯანელიძე: როგორც ჩანს, სანქციების რეჟიმის დამძიმება გარდაუვალია და "ქართული ოცნებაც" ამისთვის მომზადებულია

გირჩევთ

ახლა კითხულობენ