მუსიკოსი და პროდიუსერი ქვინსი ჯონსი, რომელიც მაიკლ ჯექსონთან, ფრენკ სინატრასთან და სხვა ცნობილ მომღერლებთან მუშაობდა, 91 წლის ასაკში გარდაიცვალა.

ქვინსის წარმომადგენელმა, არნოლდ რობინსონმა თქვა, რომ მუსიკოსი კვირას ღამით, საკუთარ სახლში გარდაიცვალა.

"ამაღამ, სავსე, მაგრამ გატეხილი გულით უნდა გაგიზიაროთ ჩვენი მამისა და ძმის, ქვინსი ჯონსის გარდაცვალების ამბავი. მიუხედავად იმისა, რომ ეს წარმოუდგენელი დანაკარგია ჩვენი ოჯახისთვის, ჩვენ აღვნიშნავთ იმ დიდ ცხოვრებას, რომლითაც მან იცხოვრა და ვიცით, რომ სხვა ვერასდროს იქნება ისეთი, როგორიც ის იყო", — ნათქვამია ოჯახის განცხადებაში.

ფოტო: Getty Images

ჯონსი ცნობილი იყო, როგორც მაიკლ ჯექსონის Thriller ალბომის პროდიუსერი.კარიერის განმავლობაში, რომელიც 75 წელზე მეტხანს გაგრძელდა, ის 28 გრემის ჯილდოს მფლობელი გახდა და ჟურნალ Time-ის მიერ მე-20 საუკუნის ერთ-ერთ ყველაზე გავლენიან ჯაზ მუსიკოსად დასახელდა.

ფოტო: Getty Images