პარტია საქართველოსთვის ერთ-ერთმა წევრმა, ბექა ლილუაშვილმა, დღევანდელ ბრიფინგზე განაცხადა, რომ ხელისუფლების მიერ, არჩევების სისტემური გაყალბების პირობებში ეკონომიკური პერსპექტივები მნიშვნელოვნად გაუარესდა, რაც "უარყოფითად აისახება თითოეული ოჯახის სოციალურ პირობებზეც".

ლილუაშვილის თქმით, ეკონომიკაში მძიმე სისტემური რისკებია დაგროვებული, რომელიც შესაძლოა ძალიან მალე გამოვლინდეს და ერთბაშად დაასუსტოს ქვეყნის ფინანსური სისტემა.
მისი თქმით ამაზე არაერთი საერთაშორისო გავლენიანი ორგანიზაცია საუბრობს.

ამასთან იგი ხაზგასმით აღნიშნავს, რომ ქვეყანამ მთლიანად ოქტომბერში იმაზე მეტი რესურსი დახარჯა, ვიდრე მთელი 2023 წლის განმავლობაში.

"მაგალითად, ლარის კურსი, პოლიტიკური დაკვეთით ხელოვნურადაა დაჭერილი ქვეყნის
რეზერვების არარაციონალური ხარჯვის გზით — რაც, მხოლოდ საარჩევნო კვირაში, ქვეყანას
100 მლნ. დოლარი დაუჯდა, ხოლო მთლიანად ოქტომბერში იმაზე მეტი რესურსი დაიხარჯა,
ვიდრე მთელი 2023 წლის განმავლობაში.

დღეისთვის, ლარის კურსის გაუფასურების გადავადებისთვის — რეზერვები ნორმაზე 2-ჯერ
ნაკლებია, რაც 2 ჯერ უფრო მოწყვლადს ხდის ქვეყნის საფინანსო სექტორს.
არჩევნების გაყალბების შედეგად, ქართული ოცნების მცდელობა — გაიხანგრძლივოს
ხელისუფლება, ქმნის არამარტო ლარის კურსის, არამედ ქვეყნის ეკონომიკური და
ფინანსური იზოლაციის საფრთხესაც. შეგახსენებთ, რომ ოცნების უგუნური პოლიტიკის
შედეგად — შვედეთის, კანადის, დიდი ბრიიტანეთის, გერმანიის, ევროკავშირის, აშშ-ს
მხრიდან — 300 მლნ. დოლარამდე ფინანსური დახმარების შეჩერება მოყვა. მანამდე კი,
ეროვნული ბანკის დამოუკიდებლობის ხელყოფის შედეგად, შეჩერდა საერთაშორისო
სავალუტო ფონდის პროგრამა და მხარდაჭერა 280 მლნ. დოლარის მოცულობით", — აცხადებს საქართველოსთვის წევრი.

ამასთან, ლილუაშვილის თქმით, შვედეთის, კანადის, დიდი ბრიტანეთის, გერმანიის, ევროკავშირის და აშშ-ს მხრიდან ქვეყნისთვის დახმარების შეჩერება, ერთი მხრივ მრავალ სექტორში ათასობით დასაქმებულისთვის შემოსავლის კლებას გამოიწვევს, ხოლო ინვესტორები არადემოკრატიულ ქვეყანაში, მაღალი რისკიდან გამომდინარე, ფულს არ ჩადებენ.

იგი ასევე ახსნებს "ოფშირების კანონს", როგორც "შავი" ფულის გამიზნულად შექმნის გზას.

"ამ დახმარებების შეჩერება, ერთის მხრივ, ნიშნავს სოფლის მეურნეობის, სამედიცინო,
საფინანსო და გარემოს დაცვის სექტორებში ათასობით დასაქმებულისთვის შემოსავლის
კლებას, ხოლო მეორეს მხრივ, ეს არის გზავნილი კერძო ინვესტორებისთვის, რომ
არადემოკრატიული ხელისუფლების პირობებში საქართველოში ფულის ჩადება სახიფათოა.
ამ ყველაფერთან ერთად, ქვეყანაში მოქმედებს ე.წ. „ოფშორების კანონი“, რომელიც 100
პროცენტით გაუმჭვირვალეა და წარმოადგენს „შავი“ ფულის მოძრაობის გამიზნულად
შექმნის გზას; მოქმედებს სანქციების თავის არიდებისთვის გამოცემული ბრძანება
ეროვნული ბანკის მიერ და ქვეყნის ეკონომიკური დამოკიდებულება რუსეთზე
მნიშვნელოვნად გაზრდილია. ეს ქმნის ქვეყნის ფინანსური იზოლაციისა და სანქციების
რისკებს, რომლის გავლენის გადატანას ქვეყნის ეკონომიკა ვერ შეძლებს.

შესაბამისად, მივმართავთ თითოეულ მოქალაქეს რომ ერთად დავიცვათ ჩვენი არჩევანი,
დღეს, ეს არა მხოლოდ დემოკრატიის, არამედ ქვეყნის ეკონომიკური და ფინანსური
მომავალის, თქვენი კეთლდღეობის გადარჩენისთვისაა მნიშვნელოვანი", — ამბობს ლილუაშვილი.