GEM Fest-ის შესაძლო ფინანსურ დარღვევასთან დაკავშირებით ფინანსთა სამინისტროს საგამოძიებო სამსახურმა გამოძიება დაიწყო. როგორც სამინისტროს პრესსამსახურმა On.ge-ის უთხრა, ამ ეტაპზე დოკუმენტების ამოღება და ინფორმაციის გამოთხოვა მიმდინარეობს, ასევე დაიკითხებიან მოწმეებიც. მათივე ცნობით, საქმეს კონკრეტული კვალიფიკაცია ჯერ არ აქვს მინიჭებული.

14 აგვისტოს დასრულდა GEM Fest-ის ერთთვიანი მუსიკალური ფესტივალი. ფესტივალის ორგანიზატორის, გიორგი სიგუას თქმით, GEM Fest ფინანსურად შემოსავლიანი არ გამოდგა, რაც მისი მცდარი წარმოდგენების შედეგია.

სახელმწიფო ბიუჯეტიდან GEM Fest თითქმის ორი მილიონი ლარით დაფინანსდა.