ძლიერი საქართველოს ერთ-ერთი ლიდერმა, ანა დოლიძემ ეთერში თქვა, რომ კოალიცია ქმნის შტაბს, სადაც ყველა იმ სისხლის სამართლის დანაშაულზე მოაგროვებენ მტკიცებულებებს, რომელსაც ოპოზიციის თქმით, ადგილი ჰქონდა 2024 წლის საპარლამენტო არჩევნებზე.

"მილიონ ნახევარმა ადამიანმა მოგვცა ხმა პროევროპულ არჩევანს გაყალბების გარეშე. მივიდა, გადაიარა 9 მთა, 9 ზღვა. გაყალბების ფაქტები უნდა იყოს გამოძიებული. ჩვენ ძლიერ საქართველოში გავაკეთებთ შტაბს, სადაც შევაგროვებთ მტკიცებულებებს, რადგან ეს არ არის ვიღაცის კუდრაჭობა, ეს არის სისხლის სამართლის დანაშაული", — განაცხადა ანა დოლიძემ.

კოალიციის ლიდერმა ხვალინდელ დაგეგმილ აქციასთან დაკავშირებითაც ისაუბრა და თქვა, რომ გაყალბებული არჩევნების პირობებშიც კი, ოპოზიციის გამარჯვება სახეზეა, ამიტომ ქართულმა საზოგადოებამ საერთაშორისო საზოგადოებას მისი სათქმელი მკაფიოდ უნდა დაანახოს.

"ჩვენ საერთაშორისო მეგობრებს შევატყობინებთ ჩვენ პროტესტს, რისხვას ამ ფაქტთან დაკავშირებით. გეგმის შემუშავება მიმდინარეობს. ბრძოლა, ალბათ, სხვადასხვა ფორმით იქნება. მე იმედი მაქვს, რომ ბრძოლა მალე მოიტანს შედეგს იმიტომ, რომ მარტო დარჩენილი ქართული ოცნება, რომელიც თავის თავს ელაპარაკება, თავად ქართული ოცნებისთვისაც არ არის საინტერესო.", — თქვა დოლიძემ ტვ პირველის ეთერში.