ცოტა ხნის წინ გავრცელდა ინფორმაცია, რომ ისტორიაში პირველად, BBC-ის სერიალში Doctor Who-ს როლს ქალი მსახიობი ითამაშებდა.

ამ ამბავმა დიდი მითქმა-მოთქმა გამოიწვია, როგორც პრესაში, ისე შოუს ერთგულ მაყურებელში და ამ დრომდე არ წყდება მსჯელობა იმაზე, უნდა შეასრულოს თუ არა ქალმა ეს როლი.

როგორც აღმოჩნდა, ეს გადაწყვეტილება კინოკომპანია Lionsgate-ისთვის შთაგონების წყარო გახდა და ოსკარ უაილდის რომანის დორიან გრეის პორტრეტის ახალი ვერსიის გადაღება გადაწყვიტეს, მთავარ, დორიან გრეის როლში კი ქალი მსახიობის დამტკიცებას გეგმავენ.

უცნობია როგორ შეცვლიან წიგნის სიუჟეტს ან შეცვლიან თუ არა საერთოდ მას, მაგრამ იდეა თავისთავად ინოვაციური და საინტერესოა.

ახალი ფილმის რეჟისორი გრემის მფლობელი ამერიკელი მუსიკოსი და მომღერალი ენ კლარკი იქნება, რომელმაც თვისი პირველი ფილმი Birthday Party სანდენსის კინოფესტივალზე გაიტანა.

ოსკარ უაილდის რომანის სიუჟეტში ახალგაზრდა, შესანიშნავი გარეგნობის დორიან გრეის შესახებ მოგვითხრობს, რომელსაც მხატვარი ბეზილ ჰოლუორდი დაუხატავს პორტრეტს. წლები გადის, დორიანი კი არ ბერდება, სამაგიეროდ, მახინჯდება მისი პორტრეტი, რომელსაც დორიანი თავის სხვენში მალავს.