გავრცელებული ინფორმაციით, თუშეთში მყოფმა მოქალაქეებმა შესაძლოა ხმის მიცემა ვერ შეძლონ. მიზეზად უამინდობა სახელდება, რომლის გამოც თვითმფრინავით გადასატანი ყუთი ვერ მიაქვთ.

ახმეტის N18 საოლქო კომისიის თავმჯდომარე, მინდია იუკურიძის თქმით, ხმის მიცემას თუშეთში მყოფი მუდმივი 5 მაცხოვრებელი და სამსახურებრივი მოვალეობის შესასრულებლად მყოფი მესაზღვრეები ამ დროისთვის ვერ შეძლებენ ხმის მიცემას.

ამასთან, იუკურიძემ განაცხადა, რომ თუშეთის მიმართულებით დაკეტილია სამანქანე გზა, ხოლო ვერტმფრენი უამინდობის გამო ფრენას ვერ ახერხებს.

ასევე, ახმეტის მუნიციპალიტეტის საოლქო კომისიაში აცხადებენ, რომ ამ დროისთვის არ არის არცერთი დარღვევა და საჩივარი დაფიქსირებული, მოქალაქეთა აქტივობა კი, საშუალოა.