მარნეულის 50-ე უბნის დამკვირვებელი, გურამ ჩუხრუკიძე სოციალურ ქსელში წერს, რომ უბანზე სარეგისტრაციო აპარატები სიგნალიზაციას გამოსცემს ძალიან დაბალ ხმაზე და რეგისტრატორებთან ახლოს მისვლის საშუალებას დამკვირვებლებს არ აძლევენ.

"აყალბებენ მარნეულში. სარეგისტრაციო აპარატებზე დიდი ალბათობით ხმები აქვთ დაწეული და სიგნალიზაციას ძალიან ხმადაბლა გამოსცემს. დამკვირვებლებს რეგისტრატორებს არ გვაკარებენ. ტოტალური განუკითხაობაა. [...]

მარნეულის 50-ე უბანზე ფიზიკურად ცდილობენ გამისწორდნენ. შემოდიან ადამიანები ბეიჯის გარეშე და გარეთ გაყოლას მთხოვენ. გავიმარჯვებთ სახელოვნად! [...]

მარნეულის 50-ე უბანზე ისევ. ტელეფონში ჰქონდათ პირადობის ფოტო და ისე აძლევდნენ ხმას. აღვკვეთე, არ მივეცი უფლება. მაქვს ვიდეო მასალა. "დამკვირვებლები" მემუქრებიან რომ გამაგდებენ რამდენიმე წუთში და გარეთ ვნახავ რა მომივა. გავიმარჯვებთ სახელოვნად!", — ვკითხულობთ ჩუხრუკიძის Facebook პოსტში.