Al-Jazeera-ს ჟურნალისტი ტარექ აბუ აზუუმის ინფორმაციით, რომელიც მიმდინარე მოვლენებს ღაზის ცენტრიდან აშუქებს, ისრაელის არმიამ ღაზის სექტორის ჩრდილოეთით, ჯაბალიას ლტოლვილთა ბანაკი სრულიად დააცარიელა და იქ მცხოვრებ ადამიანებს გადასახლება აიძულა.

"საცხოვრებელი სახლების უმეტესობა და ქალაქის ინფრასტრუქტურა სრულიად განადგურებულია. სიტუაცია კრიტიკულია, განსაკუთრებით იმ ოჯახებისთვის, რომლებიც ჯაბალიას ლტოლვილთა ბანაკიდან სულ რამდენიმე კილომეტრში — ბეიტ ლაჰიაში გამოიქცნენ", — წერს Al-Jazeera-ს ჟურნალისტი.

მისივე თქმით, ადგილი, სადაც ისრაელმა თავდასხმა განახორციელა, მჭიდროდ დასახლებული ტერიტორიაა, ხოლო, როგორც ჩანს, ისრაელის არმიას ის ევაკუაციის ცენტრები ჰქონდა მიზანში ამოღებული, რომლებშიც პალესტინელი ლტოლვილები ცხოვრობდნენ.

"ჩვენ ვიხილეთ ვიდეოები, რომლებშიც ჩანს, რომ ისრაელის სამხედროები აღჭურვილები იყვნენ დრონებით, დინამიკებით და გადაადგილდებოდნენ ევაკუირებულ ლტოლვილთა ცენტრალურ ტერიტორიებზე, ისინი მოუწოდებდნენ ქალაქ ბეიტ ლაჰიას ოჯახებს, გაქცეულიყვნენ სამხედრო საგუშაგოებისკენ. ისინი მოგვიანებით გეგმავენ მასობრივი დაპატიმრებების დაწყებას. ასევე გეგმავენ, რომ პალესტინელი მამაკაცები დააკავონ და მოგვიანებით გაურკვეველ ლოკაციებზე გადაიყვანონ, ხოლო ქალებს გადაიყვანენ ღაზაში, სადაც დაღუპულთა რიცხვი ყოველდღიურად იზრდება", — წერს ის.