მეგან მარკლისა და პრინც ჰარის $4.7 მილიონი ღირებულების დასასვენებელი კომპლექსი, ადგილობრივმა პორტუგალიელებმა გააკრიტიკეს და ამას "ტიპური სიხარბე" უწოდეს.

ადგილობრივების თქმით, მეგან მარკლმა და პრინც ჰარიმ სანაპირო ზოლი მიითვისეს და მოსახლეობას საცხოვრებელი კომპლექსის გამო მისი გამოყენება შეეზღუდა.

ძვირადღირებული დასასვენებელი კომპლექსი ქალაქ მელიდესთან ახლოს, ლისაბონიდან დაახლოებით 81 კმ-ში მდებარეობს.

ფოტო: New York Post

როგორც ცნობილია, პორტუგალიის კანონმდებლობის მიხედვით საჯარო პლაჟების კერძო საკუთრებად ქცევა უკანონოდ მიიჩნეოდა, თუმცა Daily Record-ის თანახმად, ბოლო დროს სანაპირო ზოლის "პირად საკუთრებად" ქცევა შესაძლებელი გახდა, რამაც ადგილობრივი მოსახლეობის აღშფოთება გამოიწვია.

ფოტო: New York Post

იმავდროულად, გავრცელდა ინფორმაცია, რომ პორტუგალიაში დასასვენებელი სახლის შეძენამ ჰარისა და მეგანს შესაძლოა "ოქროს ვიზა" მიანიჭოს, რაც ნიშნავს იმას, რომ შენგენის ზონაში მათ უვიზო მიმოსვლა ექნებათ.

მას შემდეგ, რაც პრინცმა ჰარიმ და მეგან მარკლმა სამეფო ოჯახის წევრობაზე ოფიციალურად განაცხადეს უარი, მათ საკუთარი სასახლე არ ჰქონდათ. წყვილი ამ აგარაკზე 2018 წელს, დაქორწინების შემდეგ ცხოვრობს.