ბათუმის მერია აცხადებს, რომ დღეს, 15 აგვისტოს, უხვი ნალექის გამო ქალაქის რამდენიმე ქუჩა დაიტბორა. უწყება განმარტავს, რომ ქალაქის წყალმიმღები სანიაღვრე სისტემა გამართულად მუშაობს, თუმცა, ერთდროულად მოსული დიდი რაოდენობით ნალექის გამო შეფერხდა დაგროვებული წყლის გადინება.

შპს ბათუმის წყლის ცხელ ხაზზე დატბორვასთან დაკავშირებით რამდენიმე შეტყობინება შევიდა. მერია აცხადებს რომ ყველა მათგანზე მოახდინეს რეაგირება, ხოლო გადაადგილების პრობლემა არ შექმნია სასწრაფო-სამედიცინო დახმარების ბრიგადებს. ამას გარდა, რეგულარულ რეჟიმში მოძრაობს საზოგადოებრივი ტრანსპორტი.

ბათუმის მერია მოსახლეობას მიმართავს, საჭიროების შემთხვევაში დაუკავშირდნენ ცხელი ხაზის ნომერზე 24 22 22.