NATO-ს გენერალურმა მდივანმა, მარკ რუტემ ბრიუსელში გამართულ პრესკონფერენციაზე განაცხადა, რომ დარწმუნებულია რომ უკრაინა ნატოს წევრი გახდება და რუსეთს ვეტოს უფლება არ გააჩნია.

მანვე აღნიშნა, რომ უკრაინის NATO-ში წევრობა მხოლოდ მოკავშირეების განსახილველია.

"გვსურს უკრაინის მხარდაჭერის გაგრძელება გრძელვადიან პერსპექტივაშიც. რუსეთმა უნდა გაიგოს, რომ უკრაინას მარტო არ დავტოვებთ. მჯერა, რომ ერთ დღეს უკრაინა ნატოს წევრი იქნება და ტაშს დავუკრავ, როდესაც ეს დღე დადგება. ასევე სრულიად აშკარაა, რომ რუსეთს ვეტოს უფლება არ გააჩნია, არ შეუძლიათ ამ განხილვაზე გავლენის მოხდენა. მხოლოდ მოკავშირეების განსახილველია, ამან [უკრაინის წევრობაზე განაცხადა] როგორ წაიწიოს წინ”, — განაცხადა რუტემ.

მანვე აღნიშნა, რომ მოკავშირეების განხილვის საგანი უკრაინის "გამარჯვების გეგმა" იქნება, რომლის პირველი პუნქტი უკრაინის ჩრდილოატლანტიკურ ალიანსში მიწვევაა.

“მოკავშირეებთან “გამარჯვების გეგმას” განვიხილავთ. ის, რა თქმა უნდა, ასევე მაგიდაზე იქნება მიმდინარე კვირას, როდესაც ხუთშაბათს საღამოს უკრაინისა და ნატოს შეხვედრა გვექნება თავდაცვის მინისტრების დონეზე. როგორც იცით, ნატოს სამიტზე მოკავშირეები შეთანხმდნენ, რომ უკრაინის წევრობისკენ გზა შექცევადია, და უკრაინა ახლოსაა ნატოსთან, ვიდრე ოდესმე აქამდე”, — თქვა მან.