საყვარელი ადამიანისგან ქორწინების ან ერთად ცხოვრების შეთავაზებაზე ბევრი ადამიანი ოცნებობს, თუმცა ის რაც ბრიტანელ ქლოი კუპერს გადახდა, არც ისე კარგი წარმოსადგენია.

23 წლის ქლოის მისმა ბოიფრენდმა ხელი სთხოვა, თუმცა ეს პატარა ზომის ბეჭდით გააკეთა და უთხრა: "წონაში რომ დაიკლებ, მერე ატარე".

ქლოი 20 ზომა იყო, როცა შეყვარებულმა ხელი სთხოვა.

ემოციურად მოძალადე ბიჭი ცოტა გაოცებული დარჩა, როცა გოგოსგან თანხმობა არ მიიღო.

ქლოი შეყვარებულთან საცხოვრებლად 16 წლის ასაკში გადავიდა და მასთან 7 წელი ცხოვრობდა.

როგორც ის ამბობს, 5 წლით უფროსი შეყვარებული, მასზე ემოციურად ხშირად ძალადობდა, რის გამოც ქლოი ბევრს ჭამდა და წონაში სწრაფი მატება დაიწყო.

"როდესაც ბეჭედი მომცა, ნეკა თითზე ვცადე მისი გაკეთება და გაიჭედა, ძლივს მოვიხსენი. არადა, მან ჩემი თითის ზომა იცოდა. როცა ვკითხე რატომ იყიდა პატარა ზომა, მიპასუხა, რომ წონაში როცა დავიკლებდი, მერე თავისუფლად ვატარებდი".

ქლოი ახლა უკვე 12 ზომაა.

ქლოი ამბობს, რომ როდესაც წარსულს იხსენებს, ხვდება, რომ მისი შეყვარებული მასში სხვადასხვა შიშებს აჩენდა, რაც მის თვითშეფასებაზე უარყოფითად მოქმედებდა.

დაშორების შემდეგ, ქლოიმ სავარჯიშო დარბაზს მიაშურა და 25 კილო წარმატებით დაიკლო.

როგორც ამბობს, ის რეჟიმში ცხოვრობს და შოკოლადებს და ტკბილეულობას აღარ მიირთმევს.

ქლოი სავარჯიშო დარბაზშიც მუშაობს, კონსულტანტად და ახალი საქმრო ჰყავს, სახელად - ეშლი.