9 ოქტომბერს, რუსეთის საგარეო საქმეთა სამინისტრომ განაცხადა რომ ჰეზბოლა [აშშ-სა და დასავლეთის მიერ აღიარებული ტერორისტული დაჯგუფება] კვლავ ორგანიზებულია და მიუხედავად ისრაელის თავდასხმებისა სარდლობის ჯაჭვი არ დაუკარგავს. რუსეთი განმარტავს, რომ ისრაელი, ახლო აღმოსავლეთში შეიარაღებული კონფლიქტის გაღვივებას ცდილობს.

"ჩვენი შეფასების მიხედვით, ჰეზბოლას, მათ შორის [მის] სამხედრო ფრთას, არ დაუკარგავს სარდლობის ჯაჭვი და ორგანიზებულობას აჩვენებს", – ამბობს რუსეთის საგარეო საქმეთა სამინისტროს სპიკერი მარია ზახაროვა.

მისი თქმით, დასავლეთი, კონკრეტულად აშშ და გაერთიანებული სამეფო, ახლო აღმოსავლეთში კონფლიქტის გაღვივებას ცდილობენ და ისრაელის მხარდაჭერით ისინი ფარისევლობას გამოხატავენ.

იგი ამბობს, რომ ახლო აღმოსავლეთში კონფლიქტის გაღვივებას დასავლეთი ცდილობს, კონკრეტულად ამერიკის შეერთებული შტატები და გაერთიანებული სამეფო, ხოლო ისრაელის მხარდაჭერით ისინი ფარისევლობას გამოხატავენ.

ამასთან, რუსეთის კრიტიკა ისრაელის მხრიდან სირიაში მიტანილ იერიშსაც შეეხო.

"კიდევ ერთხელ, ისრაელმა უხეშად დაარღვია სირიის სუვერენიტეტი დამასკოს მჭიდროდ დასახლებულ არეალში მრავალსართულიან საცხოვრებელ შენობაზე საკარეტო იერიშის მიტანით", — აცხადებს ზახაროვა.