ოკუპირებულ სამხრეთ ოსეთში ნავთობის საბადოს გეოლოგიური კვლევა და განვითარება დაიწყო. ამის შესახებ რუსული პროპაგანდისტული მედია TASS წერს.

მათი ცნობით, ოკუპირებული სამხრეთ ოსეთის ე.წ. პრეზიდენტმა ალან გაგლოევმა ცხინვალის რეგიონის სოფელ ღრომში, "გრომსკოეს" ნავთობის საბადოს კვლევისა და განვითარების მიზნით გეოლოგიური საძიებო და გეოფიზიკური სამუშაოების მიმდინარეობა დაათვალიერა, სადაც საბურღი სამუშაოები უკვე დაიწყო.

TASS წერს, რომ ე.წ. პრეზიდენტის თქმით, ამ მნიშვნელოვანი პროექტის განხორციელება ოკუპირებული სამხრეთ ოსეთის მიმართ ინვესტორების ნდობის გააძლიერებს. სოფელ ღრომში 200 მილიონ რუბლზე მეტი ღირებულების ბურღვის სამუშაოებს კომპანია "ირნეფტეგაზი" ახორციელებს.