22 წლის მომღერალი და ამერიკული Voice-ის კონკურსანტი, ქრისტინა გრიმი კონცერტის შემდეგ მოკლეს. ამის შესახებ ინფორმაციას СNN ავრცელებს.

მომღერალი ფლორიდაში კონცერტის შემდეგ ფანებს ავტოგრაფებს ურიგებდა, როდესაც მას ესროლეს. თავდამსხმელმა თავი მას შემდეგ მოიკლა, რაც მომღერლის ძმამ მისი შეჩერება სცადა. გრიმი ადგილობრივ საავადმყოფოში გარდაიცვალა.

თავდამსხმელის ვინაობა და მკვლელობის მოტივი უცნობია. სამართლადამცავები ცდილობენ გაარკვიონ, როგორ მოახერხა 2 ცეცხლსასროლი იარაღით შეიარაღებულმა პირმა შემთხვევის ადგილას შესვლა.

გრიმის ვიდეობს იუთუბზე მილიონობით ნახვა აქვს.

შემთხვევას მომღერალი ადამ ლევინი ინსტაგრამზე გამოეხმაურა, ვოისმა ტვიტერზე მის ოჯახს, ფანებსა და მეგობრებს მიუსამძიმრა.